10 DE AGOSTO DE 2010
O entorno do lago Mývatn é a zona mais turística do norte de Islandia pola espectacularidade da súa paisaxe. Está situado directamente sobre o “rift” ou fenda por onde se separan as placas europea e americana, e unha violenta xeoloxía está aínda dándolle forma ao lugar.
Un dos numerosos campos de lava da zona está atravesado por fendas cheas de auga quente, como Grjotagjá, que está a unha temperatura de case 50º.
O cráter de Hverfell é especial por terse formado con unha descomunal explosión ocorrida fai 2500 anos que provocou a acumulación da escoira e cinzas que o forman: