La Paz non é a capital de Bolivia, pero si a súa cidade mais importante e sede do goberno. Está situada a unha altitude de 3700 metros, pero aínda mais arriba está El Alto, un antigo barrio que acadou o rango de cidade e onde viven un millón de persoas a unha altitude de 4100 metros.
 |
| Unha rúa de La Paz con El Alto ao fondo |
 |
| Autobús típico |
No casco vello se conservan algunhas rúas e edificios de orixe colonial, e nun paseo pola cidade non pode faltar a visita ao seu Mercado de Hechicería, onde se venden todo tipo de herbas curativas, talismáns e ofrendas para os espíritus das crenzas aymaras, como picos de aves, llamas e fetos desecados.
Ten varios templos escavados onde se encontraron varias portas monumentais e tres grandes esculturas monolíticas con grabados de deidades, homes alados, águias e peixes.
