Carlomagno foi un rei que entre os séculos VIII e IX gobernou no que hoxe é Francia, Alemania, Países Baixos e outros moitos territorios europeos. Desde a caída do imperio romano ninguén lograra acumular tanto poder, polo que conseguiu do Papa de Roma o título de emperador. A capital do imperio carolinxio estaba en Aquisgrán, unha cidade alemana situada cerca da fronteira con Bélxica. Alí mandou edificar unha capela para uso privado, que foi rematada no ano 805 e que hoxe conserva un aspecto moi semellante ao daquel momento. Ao edificio orixinal engadíronselle anexos ao longo dos séculos, conxunto que agora forma a Catedral de Aquisgran.
A Capela Palatina de Aquisgrán é prerrománica e ten unha atípica plana octogonal. Está moi decorada con mármores e mosaicos de estilo bizantino e columnas corintias, algunhas delas expoliadas de edificios da época romana.
 |
| As vidrieiras góticas foron engadidas no século XV |
A súa riqueza foi crecendo cos obsequios dos sucesivos emperadores que se coroaron nela, como o púlpito doado por Enrique II no século XI ou o candelabro do século XII de Federico I. Pola súa beleza e a súa importancia histórica foi un dos primeiros monumentos en ser declarado Patrimonio da Humanidade.
